Qasjet psikoterapeutike

Kërkimi i ndihmës së një psikologu mund të jetë jashtëzakonisht i dobishëm kur shfaqen probleme në aspekte të ndryshme të jetës tënde, si për shembull:
‍
‍Çështje Familjare: Vështirësi me dinamikat familjare, komunikimin, ose konflikte të pazgjidhura.
‍Probleme në Marrëdhënie: Sfida në marrëdhëniet romantike, miqësitë, ose lidhje të tjera personale.
‍Ndryshime Humori dhe Lodhje: Humor i keq i vazhdueshëm, mungesë energjie, ose ndjenja lodhjeje.
‍Stres i Vazhdueshëm: Jetesa në gjendje stresi të vazhdueshëm ose ndjesia e të qenit i mbingarkuar nga presionet e përditshme.
‍Çështje Shëndetësore të Pazgjidhura: Simptoma somatike që nuk reagojnë ndaj trajtimit mjekësor.
‍Probleme Financiare dhe të Karrierës: Sfida në menaxhimin e financave, pengesa në karrierë, ose pakënaqësi profesionale.

Duhet ta marrësh në konsideratë terapinë edhe nëse shpesh përjeton pakënaqësi ose ankth, ose nëse diçka të shqetëson dhe të bren vazhdimisht. Të gjitha emocionet dhe ndjenjat që të shkaktojnë shqetësim mund të adresohen efektivisht me ndihmën e një specialisti.

Funksionon pak a shumë si terapia në zyrë: diferenca kryesore është që në vend që të takoheni fizikisht me psikologun, do të takoheni online. Komunikimi mund të jetë përmes video, audio ose me mesazhe. Seanca skedulohet paraprakisht dhe zhvillohet në një mjedis virtual privat dhe të sigurtë.

Terapia online zakonisht zhvillohet me një seancë në javë, dhe çdo seancë zgjat rreth 50 minuta. Gjithsesi, kohëzgjatja dhe frekuenca varen nga nevojat dhe qëllimet e tua personale. Numri i seancave është fleksibël – disa njerëz ndiejnë përmirësim pas 5–10 seancash (terapi afatshkurtër), ndërsa për tema më të thella mund të nevojitet një proces më i gjatë, që mund të zgjasë disa muaj ose më shumë.Që në takimet e para, psikologët tanë do të të ndihmojnë të vendosësh pritshmëri të qarta dhe realiste, të përshtatura sipas ritmit dhe nevojave të tua.

Seancat nisin nga 30 euro dhe varet nga psikologu që ke përzgjedhur. Mund të vendosësh filtrin sipas buxhetit tënd dhe të përzgjedhësh psikologët sipas çmimeve që të përshtaten më shumë.